[This article is under review]
“Kandi nkarora Malaika nahu’ruka haiguru omu mwanya, anyina enjiri y’ebiro n’biro, okutebeza abarukwikara hansi, amahanga goona n’enganda zoona n’endimi zoona,” Naagamba n’iraka erihango ati,
Mutiine Ruhanga mumuhe Ekitiinisa; habw’okuba akasumuke ak’okucweramu omusango kahikire: Mumuramye ogu ayahangire Iguru n’ensi n’enyanja n’ensoro z’amaizi. (Okusuku’rwa 14:6-7)
Enjiri ey’biro n’ebiro, hamu n’eyobukama obwaraganiziibwe omu Mattayo 24:14 zokutebezebwa hali abantu boona abarukwomere’ra mu biro by’okukingwaho kw’ebyafaayo by’ensi. Guli mugisa ngu itweena tunyina omwanya gw’okuhuliriza obukwenda omu Kasumi nka kanu. Twakubaire tuli bamu ha bantu abakumaliriire kutaahibwa mu bukama bwa Kristo obuheereza bw’okutaahya abantu omu bukama butakakingirwe.
Tiina Ruhanga Omuhe Ekitiinisa:
Okutiina Ruhanga niyo ndugi’ro y’amagezi. Ruhanga naagonza tube n’omutima ogurukwekengera okubahokwe hamu n’okumworobera omu byona. Omutima gw’okwekengera ekitiinisa kya Ruhanga hamu n’ebiragirobye niyo ntandikwa y’okuzonzoora emihanda ya Ruhanga hamu n’obukamabwe. Kinu kitaroho, busaho asobora kwetegereza omulimo gwa Yesu.
Nituseme’ra kuhika ha Kasumi k’okurora ebiragiro bya Ruhanga omu burukwera bwabyo, obu nitumanyi’ra obusiisi bwaitu hamu n’okucwerwa omusango ebiragirobye ogu birukuteeka ha musiisi nkaitwe. Okumanyi’ra kunu nugwo muhanda gwonyini ogurakuhikya ha kwetegereza Obucunguzi bwa Yesu hamu n’okwehayo hali okuhiki’rakwe. Nahabweki, okutiina Ruhanga nukwo okuha ekitiinisa ekirukukirayo hali ebiragirobye, obu nitumanyi’ra oburukwerabwe.
Busaho Gavumenti, rundiki enyamirimo ebisobora kutugiraho obusobozi okwingana okutiina Ruhanga. Nituseme’ra kutwaara ebiragirobye nk’ebirukwera kandi bihikiriire, kandi tusabe mukama Yesu atuhe obusinguzi hali ekibi, obu nitumanya ngu ekibi nikwo kucwa ebiragiro bya Ruhanga (1 Yohana 3:4). Oku nukwo kutiina Ruhanga okwamananu.
Paulo asobo’ra ngu okwomeeza obwomeezi bw’oburukwera harumu okulya n’okunywa, n’enyikara ezindi zoona ez’obwomeezi bunu. "Nahabweki, obu muba nimulya, rundi nimunywa, rundi nimukora ekintu ekindi kyoona, mukikole habw’ekitiinisa kya Ruhanga" (1 Bakolinso 10:31). Enjiri ey’ebiro n’ebiro habw’obusumi bunu obw’empero, nibutusaba kweme’ra nambere tutarukusiisa emibiri yaitu okuraba omu by’okulya n’ebyokunywa, nobu kwakuba okubaza ebigambo ebitarukugasa hamu "n’okuteeka ebintu ebibi omu maiso gaitu " (Zabbuli 101:3). Nibutugambira kwetantara ekintu kyona ekitarukuha Ruhanga ekitiinisa omu bwomeezi bwaitu obwa buli kiro. Nituseme’ra kwetantara Amaarwa, ebitokooza bwongo, Empunu, hamu n’ebi ebinyakubirugamu. Okwetwa okw’ekitiinisa nikutusaba okugaruka ha kulya ebyokulya ebirukuruga mwitaka. Ebiro byaitu mukaaga ebitwina buli wiiki nibiseme’ra kwebemberwa okutamu Ruhanga ekitiinisa.
Oruka’ra nukwo rusobo’ra abantu abanyakwikiriza obukwenda bunu.: "Banu nubo abanyakukwata ebiragiro bya Ruhanga, kandi banyina okugamba kwa Yesu." (Okusuku’rwa 14:12)
Ebiragiro bya Ruhanga nurwo rupimyo Ruhanga orwalengeraho engeso zaitu. Tunga okwikiriza omu biragiro bya Ruhanga, habwokuba "Hataroho kwikiriza, busaho asobora kusemeza Ruhanga " (Baheburaniya 11:6). Okwikiriza okw’amananu nikwija kutwebembera nikututwara hali okwomeera obwomeezi bw’okuhiki’ra, kandi nikwija kutuleetera kwikiriza omu bunabbi bwa Ruhanga kandi tworobere buli ruka’ra omu kigambo kya Ruhanga nobu kiraaba nikihakaniza emiko’re yaitu. Oku nukwo okwikiriza nyakabara. Kinu nikyahukana ha kweyesiga wenka omu kujunwa nobu oraaba nokyagurukya gurukya okuhabura okunyakuli omu kigambo kya Ruhanga. "Hati, okwikiriza nukwo kugumya ebyanihiziibwe ebitarukurorwa" (Baheburaniya 11:1).
Okuraba mu bukwenda bwa Malaika w’okubanza nibweta abantu "Okutiina Ruhanga, n’okumuha ekitiinisa "n’okuramya ogu ayahangire Iguru n’ensi. Okurora kinu kyahiki’ra, nibaseme’ra kworobera ebiragirobye. Omugambizi akagamba ngu: "Tiina Ruhanga, kandi okwate ebiragirobye: habwokuba gunu nigwo mulimo gw’omuntu" (Omugambizi 12:13). Hataroho buhulizi hali ebiragirobye, tihasobora kubaho kuramya okurukusemeza Ruhanga.
Omu mananu, "Kunu nukwo kugonza Ruhanga, itwe okukwataga ebiragirobye " (1 Yohana 5:3). Ebiragiro bya Ruhanga byoleka nkooku ali kugonza. Nkooku turukwekamba okukwata ebiragirobye, nikyoleka ngu naitwe ebiragirobye nitubiroramu omuhendo, kandi nitwegomba engeso za Ruhanga.
Titusobora kuba kimu na Ruhanga tutakabandize kwemanyi’ra nk’abasiisi omu kwerengesaniza n’ebiragirobye. Busaho kusumururwa kakuba tusigara tuli ntafaaho hali oburukwera bw’ebiragiro bya Ruhanga. Titusobora kutunga Yesu tutabandize kuhu’ra obwetaago bw’amaaani obw’okubahokwe okurahindura obwomeezi bwaitu okusisaniizibwa n’engesoze wenka. Eky’ahampero, titusobora kuhindurwa kakuba tuba tutanyina kwikiriza omu kusobora kwa Yesu okutuhindura tukafooka nkawe hanyuma tukarubatira omu buhulizi.
Akasumi Ka Ruhanga Okucwa Omusango
Ekirango ngu, "Akasumi k’okucweramu omusango kahikire," Kinu nikyoleka okukigwaho kw’obuheereza bwa Kristo omu kujuna abantu. Kunu kuli kweta kw’abwangu kandi okurukukorwa mu Iraka erikooto (Okusuku’rwa 14:7). Obwangu bunu niburugi’ra ha hakumanya ngu obunabbi bw’ebiro 2,300(omu mbara y’obunabbi, Ekiro kimu nugwo mwaka) nkooku kiri omu Danieri 8:14 emyaka egi 2300 ekahwayo omu 1844. Okusemezebwa kwa harukwera okugambwaho mu Danieri 8:14 kumanyisa akasumi k’omusango, akarukusisanizibwa n’ekiro ky’okulihi’ra ekyalindwaga omu Isaleri (Balevi 23:27-32). Kinu nikyolekereza ha mulimo gwa Kristo omu kwihaho ebibi omu nitima y’abantu hamu n’okutuga’ra hali obumu obw’omwoyo hamu n’ekigende’rwa kya Ruhanga. Nukwo kugamba, akasumi okutandika na 1844 kakuru muno okurora ngu twatangi’ra okuhiki’ra kwa Ruhanga okuyahaire abantu.
Baingi hati bamanyire ngu okwija kwa Yesu kuli haihi muno. Baitu mirundi ingaha nambere twecumitiriize ha misango eyesemeriire kuhwa Yesu atakaizire? Yesu naija kumali’ra emisangoye, kandi nambere alihika kugarukira byoona biriba bihoire. Ako kaliba Kasumi k’okugaba omusaara (Mattayo 20:1-6; Okusuku’rwa 22:12).
Enjiri ey’ebiro n’ebiro neseme’ra kwetegerezebwa omu bwijwire bwayo habwokuba tuli mu biro ebirukumalir’ayo. Ebitabu biriyo nibisuukurwa omu musango okurora biki ebyahandiikirwe ha buli ibara ly’omuntu, buli bwomeezi bwoona nibwetwa omu maiso ga Ruhanga. Okubandiza hali abo abatubandize kwomeera omunsi, omutonganirizi waitu Yesu natongana emisango yoona okusigikira mu mulembe abantu bakaba nibahanga’ramu nukwo amali’re n’abo abaliba bali bomeezi. Buli Ibara niriija kwetwa; kandi buli musango nigwija kwekebeijibwa. Abo bonka abacwiremu kwesweke’ra ekiijwaro kya Yesu nubo amabara gaabo gataliihwa mu kitabu ky’obwomeezi (Okusuku’rwa 3:5).
Kanu nikaseme’ra okuba Kasumi k’okwese’ra mu mitima. Buli omu aina obujunaanizibwa kukebera omutimagwe wenka, okurora, n’okusaba. Busaho Mukama owasabire kwekebeija omutima gwa mutaahiwe. Leka buli omu amaani agateeke ha bwomeezibwe wenka. Oyekaguze, bumogoki obunyakuli omu ngeso zaawe, hanyuma okole ha nyikara yaawe egyo. Leka tufeeho ebyetaago by’omwoyo ebinyakuli omu maka gaitu. Nitwetaaga kutunga embabazi za Ruhanga, kandi nigo maani okusuukura engeso za Kristo omu bwomeezi bwaitu (Befeso 3:7-9).
Muramye ogu Ayahangire Iguru N’ensi Enyanja’ N’ensoro Z’amaizi
Obukwenda bw’amalaika w’okubanza buteeka amaani hansonga ngu okutiina Ruhanga kurugi’ra mu kumanyi’ra Ruhanga nk’omuhangi, kandi nuwe arukututeekaniriza akasumike ak’okusango.
Okuteeka amaani ha kuhanga Iguru n’ensi, enyanja n’ensoro z’amaizi kyoleka ebigambo byonyini ebinyakugambwa omu kiragiro ky’akana ekinyakugamba ha kulinda Sabbiti y’ekiro kya musanju. Malaika onu ow’okubanza atwijukya ekiragiro ky’akana nambere agamba ngu "omu biro mukaaga Mukama nuho yahangiire Iguru n’ensi, Enyanja, n’ensoro z’amaizi, kandi yahuumra ha kiro kyamusanju; Nikyo Mukama yaheriire omugisa ekiro kya Sabbiti yakyeza. " (Okuruga 20:11)
Okujuliza ha buhangi, hamu n’okweta Ekiragiro kya Sabbiti y’ekiro ky’amusanju omu bukwenda bwa Malaika w’okubanza ha Bukuru bw’okasumi k’okucweraho omusango nikyo ngu: Obu twikiriza omu busobozi bwa Ruhanga okuhanga, nitusobora kutunga obumanzi kwikiriza nkooku arukusobora kutuhanga buhyaka omu kusisana kw’engesoze ez’oburukwera. Okukira hali eki, okuraba omu kwikiriza ngu Ruhanga wenka nuwe asobora kufoora ekintu kyona ekirukwera, nubwo turamweisiga tumukwase obujunaanizibwa obw’okutufoora abarukwera obu tuliyo nituse’ra okumworobera. Nkooku Ruhanga yagambire, ati, “Mananukwo muralindaga Sabbiti zange, baitu nuko k’okuro’raho hagati yange nainywe, obusinge bwanyu bwoona; nukwo mumanye ninyowe Mukama Arukubeeza ” (Okuruga 31:13).
Okwetegereza ensonga y’okuramya kiruga ha kwetegereza okuramya hatali nk’ensonga y’okwimukiriza okukugiza hamu n’okwehu’ra osumurwirwe. Ruhanga nagonza amaiso tugateeke ha kuramya okwa Baibuli, obu oku nukwo kwijuka Sabbiti, hamu na Mukama wayo (Mattayo 12:8), Kandi obu naitwe Mumama wa Sabbiti, nuwe Mukama waitu. Oku nukwo kuramya oku tusemeriire kuhikaho omu Kasumi kanu ak’okucweramu omusango.
Ekiro kya Musanju nuho hataaha obulemu bwona, baitu nituseme’ra okukomamu ebiragiro bya Ruhanga okukira ebiragiro by’abantu (Ngeso. 5:29). Gavumenti, Ebitongole, hamu nabantu kinoomu bakanga ebiragiro bya Ruhanga. Omu mahanga agarukwahukana, okuhambiriza abeegi kugenda haisomero ha Sabbiti nikizooka kitabaineho kizibu, nobu Yakuba Gavumenti netaho emikoro yabo hasabbiti, hataroho anyakufiireho. Kandi obu nibasaba abaikazi kwetaba mu mikoro ya ha kiro kya Sabbiti. N’amadiini nago nigekambisa abantu okucwa ebiragiro bya Ruhanga , nibefoora ngu tibaina musango baitu kandi Mukama naija kubacwera omusango.
Omugonzebwa, tusabe Embabazi za Ruhanga, ngu enteekereza ya Baibuli ha bwomeezi bw’ekikristaayo ezookere omu kwomeera kwawe obu tuliyo tulinzire Mukama waitu Yesu. Haroho akasumi obu wabaire otarukwefeerayo habwokuba okaba otamanyire, kandi n’omusana okaba otakagutungire, kandi Mukama akaba akyaliyo naatukoramu omulimo nk’abantu, kandi nk’ekanisa yoona ahamu. Baitu hati tuhikire mu Kasumi k’okumali’ra. Nkooku Ruhanga yahangire buli kimu yakyeta kirungi, hanyuma ya wiiki y’obuhangi, obuhikiriire nibuseme’ra kuzookera omuliitwe okuraba mu Kristo Yesu. Titusobora kusingura ekibi, kandi kunu tuliyo nitunagiriza ebiragiro bya Ruhanga, kandi tukyali mu bwemi.
Click to read this message in:
Comments
Post a Comment